Kryetari i Prishtinës, Përparim Rama ka thënë se kryesuesi i i Kuvendit Komunal, Fehmi Kupina, pa asnjë konsultë ka hequr nga rendi i ditës në mënyrë të njëanshme, këto dy pika, duke bërë shkelje ligjore si dhe duke mos qenë bashkëpunues në vizionin për transformimin e Prishtinës.

Rama ka thënë se në cilësinë e Kryetarit të Kryeqytetit, në mbledhjen e radhës të Komisionit për Politikë dhe Financa do t’i propozoj këto pika që të hyjnë në rend të ditës për seancën e datës 24 maj 2024, shkruan Arbresh.info

Postimi i plotë:

Të nderuar qytetarë,
Me datën 24 maj 2024 kemi thirrur seancën e Kuvendit të Kryeqytetit për të shqyrtuar pika të rëndesishme për interesin e qytetarëve të Prishtinës.

Në mesin e pikave të propozuara nga ekzekutivi i Prishtinës janë edhe Plani Rregullues i Lagjes Kalabria si dhe Plani Zhvillimor Komunal i Prishtinës.

Për çudi, Kryesuesi i Kuvendit Komunal z. Fehmi Kupina, pa asnjë konsultë me mua ashtu siç e përcakton legjislacioni në fuqi, i ka hequr nga rendi i ditës në mënyrë të njëanshme, këto dy pika, duke bërë shkelje ligjore si dhe duke mos qenë bashkëpunues në vizionin tonë për transformimin e Prishtinës.

Për njoftimin tuaj, në cilësinë e Kryetarit të Kryeqytetit, në mbledhjen e radhës të Komisionit për Politikë dhe Financa do t’i propozoj këto pika që të hyjnë në rend të ditës për seancën e datës 24 maj 2024.

Askush nuk mund ta ndal zhvillimin dhe transformimin e Prishtinës tonë!