Autoritetet maqedonase ende nuk ua kanë dorëzuar familjarëve kufomat e të vrarëve që më 10 maj u vranë në Kumanovë.

Një zyrtar i Ambasadës së Kosovës në Shkup ka thënë për KosovaPress se familjarët dhe zyrtarë të MPJ-së janë duke pritur para morgut në Shkup për t’u dhënë një përgjigje.

Ky zyrtar nuk di për ndonjë afat se kur mund të dorëzohen kufomat e të vrarëve por që sqaron se ende janë duke pritur.

Ndryshe sot në Shkup kanë shkuar familjarë, zyrtarë të MPJ-së si dhe përfaqësues nga Mjekësia Ligjore e Kosovës për të marrë trupat.

Drejtori i Departamentit të Mjekësisë Ligjore Arsim Gërxhaliu jka thënë se të vrarëve do t’u bëhet obduksioni edhe në Kosovë nëse këtë e kërkojnë familjarët.
Ndryshe në përleshjet e 9 majit në Kumanovë janë vrarë nëntë shtetas të Kosovës.

Xhafer Zymberi, Beg Rizaj, Mirsad Ndrecaj, Valon Kabashi, Hysen Rushiti, Fatlum Vishesella, Arben Rexhaj, Samid Kastrioti dhe Turgaj Gashi.