Ka përfunduar intervistimi edhe i kreshefit të AUV-it, Bekim Hoxha nga Prokuroria Speciale lidhur me lidhur me kontratën e fabrikës për përpunimin e mbetjeve shtazore.

Pas intervistimit, avokati i Hoxhës, Artan Çerkini një një prononcim para mediave tha se klienti i tij është liruar në procedurë të rregullt.

“Hoxha është intervistuar. E ka dhënë një deklaratë. Konsiderojmë që nuk ekziston asnjë lloj dyshimi se ka kryer ndonjë vepër penale. Për vazhdimin e hetimeve do t’u mbajmë të informuar. Në cilësinë e të dyshuarit, mirëpo është liruar në procedurë të rregullt”, ka deklaruar Çerkini.

Ndryshe, pak orë më parë ka përfunduar edhe intervistimi i ministrit në detyrë të Bujqësisë, Faton Peci për kontratën e fabrikës për përpunimin e mbetjeve shtazore.

Ndërsa sot gjatë ditës, janë kryer bastisje në katër lokacione në Ministrinë e Bujqësisë, Agjencinë për Zhvillim Bujqësor, Agjencinë e Ushqimit dhe Veterinarisëdhe në lokacionin e kompanisë përfituese të kontratës./Arbresh.info

LEXO EDHE:

Peci po intervistohet si i pandehur për rastin e fabrikës së mbetjeve shtazore