Njësiti i Hetimeve të Stacionit Policor në Gjilan me leje të Prokurorit të Shtetit ka realizuar një kontrolle në shtëpitë dhe objektet përcjellëse të tre personave nga fshati Cernicë.

Sipas njoftimit, kontrolli është realizuar pas pranimit të informacioneve përmes rrugëve operative dhe sigurimit të provave se të dyshuarit mes të datave 31.12.2024-01.01.2025 dyshohet se kanë shtënë në ajër me armë, shkruan Arbresh.info.

“Me datën 04.01.2025 Njësiti i Hetimeve të Stacionit Policor në Gjilan me leje të Prokurorit të Shtetit ka realizuar një kontrolle në shtëpitë dhe objektet përcjellëse të tre të dyshuarve R.H. (viti i lindjes 1979), R.H (viti i lindjes 2002) dhe A.H. (viti i lindjes 2003) të gjithë meshkuj kosovar nga fsahti Cernicë.”, thuhet në njoftimin e policisë.

Tutje policia ka bërë të ditur se cilat armë janë sekuestruar gjatë kontrollit:

• Një (1) pushkë gjuetie e llojit Liberti Arms e kalibrit 12 mm (me leje),
• Një (1) pushkë gjuetie e llojit Lupo Benelli e kalibtir 308 mm (me leje),
• Një (1) pistoletë e llojit Cervena Zastave (me leje),
• Një (1) pushkë automatike e llojit Thomson Submachine Gun e kalibtir 45 mm pa leje përkatëse,
• Një (1) pushkë gjuetie e llojit Benelli Agro
• Nëntëmbëdhjetë (19) gëzhoja të kalbitir 9×9 mm,
• Dymbëdhjetë (12) gëzhoja të kalibtir 7×76 mm,
• Dy (2) gëzhoja të kalibtir 306 mm,
• Shtatë (7) fishekë të kalbitir 9 mm,
• Pesë (5) karikatorë të zbrazet dhe

Dyqind e gajshtëmbëdhjetë (216) fishekë të kalibtir 30.06 mm.

Policia bën të ditur se tre të dyshuarit janë intervistuar në bazë të procedurave ligjore dhe ndaj tyre do të ngritët kallëzim penal për veprat penale ‘’Mbajtja në pronësi, kontroll ose posedim të paautorizuar të armeve’’ dhe ‘’Shkaktim i rrezikut të përgjithshëm’’, rast i cili do të procedohen në Prokurorinë Themelore./Arbresh.info/