Delegacioni i Kosovës tashmë gjendet në Strasburg, atje ku do të nënshkruhet marrëveshja për Stabilizim Asociimin.

Dy orë para se të nënshkruhet kjo marrëveshje, në një bisedë telefonike për KosovaPress, ministri për Integrime Evropiane Bekim Çollaku e quan marrëveshje të një rëndësie të veçantë.

“Delegacioni i Republikës së Kosovës tashmë gjendet në Strasburg dhe ne jemi gati dhe në pritje të aktit formal, nënshkrimit të marrëveshjes historike, asaj të Asociimit ndërmjet Republikës së Kosovës dhe Bashkimit Evropian. Padyshim është një moment tepër emocionues”, thotë ministri Çollaku.

Përveç kësaj ministri thekson se nënshkrimi i MSA-së, është një moment historik për vendin sepse po vulos përcaktimin e Kosovës për t’u anëtarësuar në Bashkimin Evropian.

“Kosova përfundimisht po konkretizon perspektiven evropiane me vendosjen e marrëdhënieve kontraktuale me BE-në./arbresh.info