Kuvendi komunal i Drenasit vendos që t’ua jap nga 1000 euro atyre që kanë mbi 7 fëmijë.
“Kërkoj nga ky përfitues i votuesve të PDK-së dhe përfitues i madh deri më tani, që të jep dorëheqje urgjente. Ky dhe shumë ministra të tjerë fëmijët e tyre i shkollojnë nëpër shkolla private dhe jashtë Kosovës ..
Kryesuesi i Kuvendit të Komunës së Drenasit, Naim Bazaj ka reaguar ndaj deklaratës së ministrit Blerand Stavileci.
Ky i fundit ka thënë se “ata që kanë 300 euro të ardhura mujore nuk duhet të bëjnë nga 7 fëmije”.
Në mbledhjen e Kuvendit të Komunës, Bazaj ka thënë se deklatatat e tilla janë shoviniste dhe që i ngjajnë ministrave të Serbisë.
“Publikisht reagoj ndaj këtij ministri i cili thotë se kush ka 300 euro pagë mujore nuk duhet të bëjë 7 fëmijë, kjo është e papranueshme së pari si çështje kombëtare e pastaj edhe morale. Vetëm serbët lëshonin këso lloj deklaratash për të zhdukur popullin autokton shqiptar në Ballkan, e pse një ministër “shqiptar” bënë një deklarim të tillë kjo është e pafalshme”, ka thënë mes tjerash kryesuesi Bazaj.
Ai më tej ka shtuar se ministri Stavileci publikisht duhet të kërkojë falje ndaj asaj deklarate dhe të jep dorëheqje urgjente. Bazaj ministrin Stavileci e ka quajtur si përfitues të votave.
“Kërkoj nga ky përfitues i votuesve të PDK-së dhe përfitues i madh deri më tani, që të jep dorëheqje urgjente. Ky dhe shumë ministra të tjerë fëmijët e tyre i shkollojnë nëpër shkolla private dhe jashtë Kosovës e kërkon të mos rritet shtimi i popullsisë shqiptar dhe e ndien veten shqiptar”, ka thënë Bazaj.
Si kundërpërgjigje të ministrit Stavileci, kryesuesi i Kuvendit të Drenasit, në këtë mbledhjet ka propozuar që për vitin 2015 ata që kanë fëmijën e parë të subvencionohen me nga 100 euro, ndërsa ata që kanë mbi 7 fëmijë me nga 1000 euro.
Ky propozim u hodh në votim dhe më vota unanime nga grupet parlamentare të Kuvendit u votua. /RTK/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...