Drejtori i Kadastrës nuk komenton arrestimin e zyrtarëve në këtë agjenci dhe në Agjencinë e Arkivave

11:34 | 23 Korrik 2025
Gita

Drejtori i Agjencisë Kadastrale, Avni Ahmeti, nuk komentoi arrestimin e zyrtarëve në këtë agjenci dhe në agjencinë e Arkivave ditë më parë.

Në konferencën e mbajtur për media Ahmeti u pyet lidhur me arrestimin e katër zyrtarëve të dy agjencive, por ai nuk komentoi shumë në këtë çështje.

Ai tha se kjo është çështje e organeve të drejtësisë, si dhe janë të hapur për bashkëpunime.

“Është çështje e organeve të drejtësisë dhe nuk duam të përzihemi në hetime, ne jemi ta hapur për bashkëpunim dhe drejtësia është primare”, tha Ahmeti.

Ndryshe, Policia e Kosovës ka arrestuar javën e kaluar katër persona zyrtarë publikë pas një aksioni në agjencitë e Arkivave dhe ato Kadastrale në disa komuna të vendit./Arbresh.info/