Ka dështuar të mbahet seanca gjyqësore në të cilën i pandehuri Fatlind Vokshi akuzohet se ka kryer veprën penale armëmbajtje pa leje.
Shkak i dështimit të kësaj seance gjyqësore ishte mungesa e të akuzuarit Fatlind Vokshi, i cili edhe pse i ftuar në mënyrë të rregullt nuk e kishte arsyetuar mungesën e tij, raporton “Betimi për Drejtësi”.
Të ftuar në këtë çështje penalo juridike ishin edhe dëshmitarët Ardit Rama dhe Ardit Kelmendi, mirëpo të njëjtit nuk ishin paraqitur për të dëshmuar.
Kryetari i trupit gjykues, gjykatësi Zyhdi Haziri ka njoftuar palët procedurale se i njëjti nuk mund të udhëheq seancën sepse më 21 dhjetor 2020 Këshilli Gjyqësor i Kosovës ka marrë vendim që kryetari i trupit gjykues duhet të sistemohet në Gjykatën e Apelit.
Ndryshe, Prokuroria Themelore në Gjilan më 27 maj 2020 ka ngritur aktakuzë kundër të akuzuarit Fatlind Vokshki sepse i njëjti në kohë të papërcaktuar e deri më 13 mars 2020, ka siguruar dhe mbajtur në pronësi në mënyrë të paautorizuar armën e zjarrtë, revolen e markës “Ekol Major”, model 88, kalibër 9 mm, për të cilën nuk ka pasur leje përkatëse nga ana e organit kompetent e që me datën e cekur i është gjetur në veturën e markës “Polo”, dhe i është konfiskuar nga ana e pjesëtarëve të policisë së Kosovës.
Me këto veprime ai ka kryer veprën penale “mbajtja në pronësi, kontroll ose posedim të paautorizuar të armëve”, nga neni 366 paragrafi 1 i Kodit Penal të Republikës së Kosovës. /BetimipërDrejtësi
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...