Tash e dy orë pas rifillimit të mbledhjes, Komisioni Qendror i Zgjedhjeve nuk ka arritur të hedh në votim pikën e rendit të ditës që parasheh certifikimin e kandidatëve të subjekteve politike.

Janë anëtarët e KQZ-së që po shprehin mospajtime lidhur me mënyrën e votimit: veç e veç për secilin subjekt, apo për të gjitha subjektet të përfshira në një pako, raporton portali arbresh.info

Kryetarja e KQZ-së, Valdete Daka, ka hedhur në votim procedurën e votimit. Për kalimin e listave në pako kanë qenë vetëm pesë vota “për” dhe gjashtë abstenime, derisa për kalimin e secilës listë veç e veç kanë qenë gjashtë vota “për”.

Por një votim të tillë e ka kundërshtuar përfaqësuesi i Lëvizjes Vetëvendosje ka thënë që rekomandimi i zyrës për certifikim të hidhet ashtu siç është.

Kjo çështje ka bllokuar punën e kësaj mbledhje.

Seanca maratonike për votimin e certifikimin e kandidatëve për  deputetë të Kosovës po vazhdon ende./arbresh.info/