Deputeti i Partisë Demokratike të Kosovës (PDK), Nait Hasani, ka komentuar bllokadën aktuale parlamentare, duke theksuar se problemi qëndron te kryetarët e partive, të cilët, sipas tij, nuk po krijojnë mundësi për bashkëpunim.

Në një deklaratë për media, Hasani ka theksuar se është e rëndësishme që të hapen mundësi për opozitën, në mënyrë që ajo të mund të kontribuojë në proceset parlamentare.

“Nuk jemi armiq mes veti, jemi kundërshtarë politikë. Problemi është tek kryetarët e partive. Partia e parë problemi është se nuk po hapin mundësi. Nuk është me rëndësi cili është votimi i fshehtë apo i hapur, unë e kam qëndrimin tim. Ai (Kurti) duhet ta kuptoj një herë e përgjithmonë se nuk i ka fituar zgjedhjet, është partia e parë, por nuk i ka fituar zgjedhjet”, tha ai.