Demalija nuk e ka përfunduar fjalinë e tij, meqenëse kryesuesi i seancës, Kujtim Shala, ia ka ndalur mikrofonin.

Por, ajo pjesë e fjalimit që ka mundur të dëgjohet nga deputeti i AAK’së, “kuptohet” arsyeja e sëmundjes së ish-Kryeministrit Isa Mustafa.

“Isa Mustafa ka qenë në depresion pikërisht për këtë çështje…”, tha ai.

Demalija, ashtu sikurse krejt AAK-ja, po përpiqet ta hedhin fajin për 53 milionët që Kosova do t’ia paguaj Kompanisë Bechtel-Enka, si përgjegjësi e tërësishme e Qeverisë së kaluar, respektivisht ish-Ministrit Lutfi Zharku, të cilët, sipas tyre, nuk kanë reaguar me kohë.

Por, Shkumbin Demalija ka shkuar edhe më gjatë. Sipas tij, pikërisht ky skandal i Zharkut edhe i ka shkakuar sëmundjen Isa Mustafës.

Siç dihet, nga janari i këtij viti Isa Mustafa po përballet me gjendje të rënduar shëndetësore, si pasojë e një sindromi të rrallë i cili godet muskujt e njeriut. Që nga ajo kohë, Mustafa nuk është paraqitur në asnjë aktivitet, përveçse është parë një herë duke drejtuar mbledhjen e Kryesisë së LDK’së në shtëpinë e tij në periferi të Prishtinës.