Deputetet shqiptare mblidhen në Prishtinë për 8 Mars

08:36 | 8 Mars 2015

Sot në Kuvendin e Kosovës do të mbahet një seancë e përbashkët e deputeteve nga Kosova, Maqedonia, Shqipëria, Mali i Zi dhe nga Lugina e Preshevës.
Në një njoftim nga Kuvendi i Kosovës bëhet e ditur se në shenjë të 8 marsit – Ditës së Grave, mbahet seancë e përbashkët e deputeteve të Kuvendit të Republikës së Kosovës me deputetet nga Shqipëria dhe Maqedonia, si dhe gratë politikane nga Mali i zi dhe Presheva.
Seanca mbahet në sallën e Kuvendit të Kosovës, duke filluar nga ora 11:30.
Para se të fillojë seanca, kryetari i Kuvendit të Kosovës, Kadri Veseli dhe Grupi i Grave Deputete do të presin mysafiret e kësaj seance në hollin e Kuvendit, duke filluar nga ora 11:00. /arbresh.info

Shpërndaje në rrjete sociale

Lajmet më të lexuara

Të ngjashme

Foto lajm