Deputetë e zyrtarë tjerë të AAK-së kanë përkujtuar, të enjten, 18 vjetorin e Epopesë së UCK’së në Dukagjin.

Ata me këtë rast kanë bërë homazhe dhe nderime në varrezat e 85 dëshmorëve të Gllogjanit në Deçan.

Në mesin e të vrarëve në Gllogjan janë edhe vëllezërit dhe familjarë tjerë të kreut të AAK’së, Ramush Haradinaj.

Fotografi nga këto homazhe ka shpërndarë deputeti i AAK’së, Pal Lekaj i cili kreu homazhe bashkë me deputet tjerë të partisë, Donika Kadaj-Bujupi, Teuta Haxhiu, Ali Berisha etj..

“Sot, me rastin e shënimit të 24 Marsit, 18-vjetorit të Epopesë së lavdishme të Ushtrisë Çlirimtare të Kosovës në Dukagjin, dhe përvjetorit të fillimit të fushatës bombarduese të NATO-s ndaj forcave shoviniste okupatore serbe. Ne sot u përulem para veprave dhe sakrificave të çdo ushtari të UÇK-së të cilët morën pjesë në luftën çlirimtare te atdheut tone të shtrenjtë.

Dhe njëkohësisht falënderojmë NATON e cila dha gjithçka nga gjiri i saj që ne të jetonim të lirë. Lavdi Dëshmorve!”, ka shkruar Lekaj në facebook.