Ministri i Punëve të Jashtme të Serbisë, Ivica Daçiq, ka protestuar ndaj Londrës zyrtare se Serbia nuk do të rrijë duarkryq nëse Britani e Madhe, kur do të jetë kryesuese në KS të OKB-së të vëjë në rend dite heqjen e takimeve zyrtare për Kosovën.

Siç njoftojnë mediet serbe, ministri Daçiq deklaroi se ky qëndrim i Beogradit i është dërguar ambasadorit britanik në Beograd, Denis Keefe, si dhe përfaqësuesve të Mbretërisë së Bashkaur, në East River.

”Nga ana jonë, qëndrimi britanik që të hiqet nga rendi i ditës mbledhjet informative për Kosovën është i patolerueshëm, aq më tepër, kur ata do të jenë nikoqir të Samitit të BE-së, e cila do të mbahet në korrik, ku Ballkani Perëndimor do të angazhohet për stabilitetin rajonal, që pikërisht ata që me aksionet e tyre diplomatike po e dëmtojnë atë”, deklaroi Daçiq, transmeton RTK.

Bëhet e ditur se takimet për Kosovën në KS të OKB-së organizpohen çdo tre muaj, ndërkohë që në mbledhjen e fundit SHBA, Britania e Madhe, me mbështetjen e katër shteteve të vendet tjera të Perëndimit, dhanë propozimin që takime të tilla të rrallohen, ose të mos mbahen më./RTK/