Çitaku: PDK e gatshme për bashkëpunim me çdo subjekt politik

00:20 | 19 Nëntor 2021
Trina Galanxhi

Nënkryetarja e Partisë Demokratike të Kosovës, Vlora Çitaku në tha se PDK është e gatshme për çdo bashkëpunim me subjektet tjera politike.

“Jemi të gatshëm për bashkëpunim, jo veç me Vetëvendosjen, por me çdo subjekt politik”, tha Çitaku.
Tutje, Çitaku tha edhe se Kryeminstri Kurti ka mbështetjen e të gjithëve, por se kërkojnë rezultate nga ai.

“Kryeministri duhet ta dijë që ka mbështetjen tonë, por duam rezultate”, tha Çitaku në RTV21.
Çitaku shtoi se Kryeministri Kurti duhet të sqarojë sipas saj, çdo pikëpyetje që ai ka në kontakt me zyrtarët amerikan, pasi kjo është humbje për Kosovën.

“Kurti të sqarojë çdo pikëpyetje me zyrtarët amerikan, duhet të insistojmë që SHBA të përfshihet ne dialogun Kosovë – Serbi”, shtoi Çitaku.