Ambasadorja e Kosovës në Shtetet e Bashkuara të Amerikës, Vlora Çitaku ka thënë se Kosova është me fat që ka mbështetjen e SHBA-ve.

Këto komente Çitaku i ka bërë përmes një postimi në Facebook, pas vizitës së saj në aeroplan-mbajtësen e George Washington në Virgjinia të SHBA-ve.

Çitaku është shprehur e mahnitur me madhëshinë e ushtrisë amerikane.

Ambasadorja Çitaku ka thënë se tani kur transformi i FSK-së në Ushtri të vendit është prioritet në agjendën e institucioneve, Kosova është me fat që do ta ketë ushtrinë amerikane, siç e quajti ajo, ushtrinë më të fuqishme në planet.

Postimi i plotë i Çitakut:

Kisha kenaqesine e vecante qe se bashku me Gjeneralin Gashi, atasheun ushtarak te Republikes se Kosoves, dhe Keshilltaren Lendita Haxhitasim, te vizitojme aeroplan-mbajtesen George washington ne Virgina te SHBA-ve. Dua te falenderoj kapitenin dhe tere ekuipazhin e aeroplan mbajteses ‪#‎Georgewashington per pritjen e jashtezakonshme dhe nderimet e bera.

E mahnitur me madheshtine e ushtrise amerikane. Kosova eshte me fat qe ka mbeshtetjen e SHBA-ve.

Tani kur transformi I FSK-se ne Ushtrine e Kosoves eshte prioritet ne agjenden e institucioneve te Kosoves, ne do ta kemi fatin qe te kemi Ushtrine me te fuqishme te planetit ne krahun tone, per te na ndihmuar ne kete proces.

‪#‎Kosovo ‪#‎USA ‪#‎Partnerships USS