Krijimi i një ushtrie të veçantë për serbët e veriut do ta vuloste përfundimisht ndarjen e Kosovës. Kjo madje do të ishte një indikacion për një luftë të brendshme mes FAK-ut dhe kësaj ushtrie paralele, thonë ekspertë të çështjeve ushtarake.

Ish-komandanti i FSK-së, Kadri Kastrati, thotë se ua la një porosi pasuesve të tij, që të kishin kujdes dhe të mos pranonin asnjëherë idenë që brenda FAK-ut të ekzistojë një batalion i tëri me serbë, raporton KTV.

Këtë ide për batalionin me serbë e kishte dhënë ish-ministri Aleksandër Jabllanoviq.

KTV ka kontaktuar zëdhënësin Arban Abrashi, i cili ka propozuar që pyetjet t’i drejtohen Ministrit të FSK-së, Haki Demolli.

E ky i fundit ka propozuar që pyetjet t’i kthehen sërish zëdhënësit të qeverisë.

Derisa qeveria po hesht për këtë çështje, në FSK thonë se atyre kurrë nuk iu kërkua një gjë e tillë.