Policia Rajonale e Ferizajt njofton se ka ndërmarre një sërë aktivitetesh në parandalim të incidenteve.

Gjatë javës që shkoi, nga data 28.10.2024 deri më 03.11.2024 janë raportuar 16 raste të vjedhjeve që kanë ndodhur 12 në Ferizaj, tri në Kaçanik dhe një në Shtime, përcjell Arbresh.info.

“Në rajonin e Ferizajt janë raportuar 6 raste të dhunës më familje, prej tyre : 3 raste në Ferizaj, 1 rast në Shtime, 1 rast në Kaçanik dhe 1 rast në Shtërpcë. Ndërsa me vendim të prokurorit të shtetit 2 persona pasi janë intërvistuar nga policët hetues të dhunës në familje janë ndaluar në mbajtje, kurse 4 persona të tjerë janë liruar për procedurë të rregullt hetimore”, thuhet në njoftim.

Në rajonin e Ferizajt, policia ka arrestuar 67 persona të kërkuar me urdhëresa të gjykatave kompetente për vepra të ndryshme penale./Arbresh.info