Në Mitrovicë, janë konfiskuar dy armë në 24 orët e fundit nga Policia në dy raste të ndara.

Sipas Policisë, armët e konfiskuara do të procedohen në raste si prova materiale, ndërsa pas procedurave intervistuese dy të dyshuarit janë liruar për procedurë të rregullt.

“Rasti i parë i konfiskimit të një pistolete është realizuar në orët e pasdites në Mitrovicë, ku si rezultat i bastisjes në shtëpinë e një të dyshuari është gjetur dhe është konfiskuar një pistoletë, për të cilën i dyshuari nuk posedonte leje për armë”.

“Ndërsa rasti i dytë i konfiskimit të një pistolete është realizuar në orët e mbrëmjes, ku gjatë kontrollit të detajuar të një veture është gjetur dhe është konfiskuar një pistoletë, për të cilën i dyshuari nuk posedonte leje”, thonë nga Policia.

Ndaj dy të dyshuarve janë iniciuar raste për veprat penale ‘armëmbajtje pa leje’.