Bislimi në takim me shefin e EULEX-it diskuton për dialogun me Serbinë

18:17 | 21 Prill 2021

Zëvendëskryeministri i parë i Republikës së Kosovës për Integrime Evropiane, Zhvillim dhe Dialog, Besnik Bislimi, ka pritur sot në takim shefin e Misionit të Bashkimit Evropian për Sundimin e Ligjit (EULEX), Lars-Gunnar Wigemark.

Wigemark e njoftoi zëvendëskryeministrin mbi mandatin e EULEX në Kosovë, si dhe çështjet me të cilat merret misioni. Të dy bashkëbiseduesit folën për gjendjen aktuale në fushën e sundimit të ligjit në Kosovë. Wigemark theksoi se EULEX-i është i përkushtuar që të mbështesë institucionet e Kosovës në funksionimin e rendit dhe ligjit. Ndër tjerash, të takim u diskutua edhe për situatën e Kosovës në raport me integrimet Evropiane dhe dialogun./arbresh.info/

 

Shpërndaje në rrjete sociale

Lajmet më të lexuara