Ministri në detyrë i Mbrojtjes, Ejup Maqedonci, ka përshëndetur ceremoninë e betimit të 350 rekrutëve të rinj në Forcën e Sigurisë së Kosovës, duke theksuar rëndësinë historike dhe strategjike të këtij momenti për shtetin.

Maqedonci përgëzoi të rinjtë për vendimin e tyre, duke theksuar se kjo detyrë është “sa e vështirë, aq edhe fisnike.”

Ai shprehu bindjen dhe gëzimin se “sot ushtria e Kosovës është shumë më e fuqishme, më e pajisur dhe më e përgatitur se asnjëherë më parë.

“Përgëzoj këta të rinj për vendimin që kanë marrë që të shërbejnë nën emblemën e uniformës së Forcës së Sigurisë së Kosovës, detyrë kjo sa e vështirë aq edhe fisnike. Në këtë kohë sfidash për sigurinë globale dhe vendore, zhvillimi i kapaciteteve ushtarake është esenciale. Dhe e them me bindje e gëzim që sot ushtria e Kosovës është shumë më e fuqishme, më e pajisur e më e përgatitur se asnjëherë më parë, me sisteme të armatimit e me të rinj e të reja që me vullnet e guxim të pashoq i shërbejnë Republikës së Kosovës”, tha ai./Arbresh.info