Kandidati i Lidhjes Demokratike të Kosovës (LDK) për kryetar të Fushë-Kosovës, Besnik Osmani, ka falënderuar qytetarët me prejardhje nga Presheva, Medvegja dhe Bujanoci për mbështetjen e treguar gjatë një takimi elektoral.

“Zëri juaj tashmë ka një peshë të madhe në komunën tonë dhe ky takim është zotim për bashkëpunim edhe më të fuqishëm në të ardhmen,” ka shkruar Osmani.

Ai theksoi se lista e LDK-së për Kuvendin Komunal është pasuruar me katër kandidatë që kanë origjinë nga këto trevat shqiptare, duke e konsideruar këtë si një vlerë shtesë për partinë e tij.

Osmani u shpreh i bindur se mbështetja e qytetarëve për LDK-në dhe për kandidatin e tyre të preferuar për asamble do të jetë garanci e suksesit të përbashkët.

“Me përulësi ju falënderoj dhe ju priftë e mbara! Fushë Kosova PËRTEJ!”, përfundoi ai.