Deputeti i Kuvendit të Kosovës nga radhët e Nismës për Kosovën, Zafir Berisha, ka thënë se institucionet e Kosovës duhet të tregojnë çfarë dinë për rastin e Grupit Kumanova.

Berisha ka thënë, në një shkrim në Facebook, se Presidenti, Kryeministri, AKI dhe MPM duhet deklarohen për rastin e Kumanovës.

Postimi i plotë:

Nëse deri sot nuk kanë folur institucionet e Kosovës, ata duhet sot me thënë atë çka e dinë për rastin e Kumanovës, dhe jam shumë i bindur se dinë shumë. Nuk duhet lejuar që shtetasit tonë me u bë monedhë kusuritje për llogari të politikave të brendshme kriminale të maqedonasve!

Nuk e kanë parandaluar edhe pse kanë mundur, atëherë duhet t’i tregohet e vërteta opinionit për rastin e Kumanovës!?

Kemi edhe obligim ligjor e kushtetues me u dalë në mbështetje qytetarëve tanë kudo që janë dhe në çfarëdo situate që janë…

Presidenti, kryeministri, AKI dhe MPM duhet deklarohen për rastin e Kumanovës.