Nesër në vendin tonë nis gjysmë vjetori i dytë. Teksa, Bekim Jashari, kryetar i Skenderajt, përmes një postimi në FB ka thënë se komuna e udhëhequr nga ai, sipas Raportit të Monitorimit të Zbatimit të Masave Anti-Covid në Shkollat e Kosovës, del të jetë në vend të 4-të për zbatim të masave anti-covid në shkolla.

Ky është postimi i plotë:

Të dashur qytetarë,

Komuna jonë është rënditur në vendin e 4-të në nivel vendi sa i përket zbatimit të masave anti- COVID-19 në shkolla.

Ky rezultat është nxjerrë nga Raporti i Monitorimit të Zbatimit të Masave Anti-Covid në Shkollat e Kosovës, realizuar nga organizatat “Edu Task” në bashkëpunim me “BIRN” dhe me përkrahje të “Friedrich Ebert Stiftung”.

Kjo është edhe një dëshmi tjetër e përkushtimit tonë të përbashkët në ruajtjen e shëndetit të nxënësve dhe mësimdhënësve tonë krahas ngritjes së cilësisë së mësimdhënies dhe mësimnxënies në shkollat e komunës sonë.