Përfaqësues të Kosovës dhe Serbisë janë pajtuar që të vazhdojnë dialogun në Bruksel për qarkullim të papenguar të materieve të rrezikshme më 25 prill.

Në vazhdën e dialogut do të flitet edhe për çështjen e letërnjoftimeve, bisedime këto që do të ndërmjetësohet nga BE, ka thënë Maja Kocijançiç, zëdhënësja e zyrtares së lartë të BE-së për politikë të Jashtme, Federica Mogherini

“Kur është fjala për transportim të materieve të rrezikshme, për çka është e nevojshme certifikata ADR e dy palëve, është arritur një marrëveshje i cili lejon qarkullim të papenguar  nga 25 prilli”, thuhet në njoftim të zyrës së Mogherinit.

Kur është fjala e vizitave të zyrtarëve të Serbisë në Kosovë, sipas Kocijançiç-it, “të dyja palët janë pajtuar për lehtësimin e vizitave të zyrtarëve”.

Lidhur me çështjen e letërnjoftimeve “janë pajtuar që të vazhdojnë diskutimet dhe, në të ardhmen të formohet një grup punues për këtë çështje”.