Oficerët korrektues në Qendrën e Paraburgimit në Gjilan, pas informacioneve konfidenciale se do të kryhet një kontrabandë në vazhdimësi të Planit Operativ për bastisje të qëllimta, bazuar kanë bërë bastisjen e një minifrigoriferi, cili kishte tentuar të futej në këtë qendër paraburgimi.

“Sot, rreth orës 13:00 në Qendrën e Paraburgimit në Gjilan, pas informacioneve konfidenciale, oficerët korrektues kanë arritur të parandalojnë futjen e kontrabandës në QP Gjilan. Me të pranuar informacionin, oficerët korrektues në vazhdimësi të Planit Operativ për bastisje të qëllimta, bazuar në informatën konfidenciale, kanë bërë bastisjen e një mini-frigoriferi, i cili ishte sjellë nga familjarët e një të burgosuri”, thuhet në njoftimin e SHKK-së, rpaorton arbresh.info.

Bastisja ka rezultuar pozitive, në derën e minifriforiferit në një pjesë të kamufluar është gjetur një telefona mobil i tipit “Samsung” dhe një karikues.

“Pas intervistimit të të paraburgosurit, i njëjti deklaron se “telefonin e ka montuar në frigorifer deri sa ka qenë në liri, pasi që i njëjti e ka ditur se do të vijë në burg”. Lidhur me këtë rast, i burgosuri është veçuar deri në hetimin e rastit dhe ndaj tij është iniciuar procedura disiplinore”m, thuhet në njoftim.

Shërbimi Korrektues i Kosovës mbetet i përkushtuar në luftimin e dukurive negative dhe kontrabandës nëpër institucionet korrektuese dhe ato të paraburgimit./arbresh.info