Shoqata e Familjes së Dëshmorëve ka reaguar lidhur me bastisjen në shtëpinë e Bahri dhe Fahri Fazliut.

Me anë të një postimi në Facebook, Shoqata ka thënë se është e tronditur nga zhvillimet e sotme teksa ka shtuar se po shkelet mbi idealet e brezave të tërë të veprimtarëve të lirisë, shrkuan Arbresh.info.

“(Bastisja) i ka tronditur të gjithë njerëzit normal të këtij vendi, për faktin se kjo Gjykatë Speciale që i thonë e Kosovës, ka prekur atje ku nuk duron më asnjë popull. Ka prekur mbi gjakun e derdhur për çlirim dhe liri kombëtare. Sot kanë bastisur familjen e heronjve dhe Dëshmorëve të Kombit, Fahri dhe Bahri Fazliu, kurse nesër mund t’ia mësyjnë edhe Familjes së Komandantit Legjendar Adem Jashari. Ngase, kjo Gjykatë Speciale jo vetëm po e nëpërkëmbë Luftën e Ushtrisë Çlirimtare, duke burgosur të gjithë ata që ishin në vijën e parë të frontit për çlirim dhe liri, por ka zënë e po e nëpërkëmbë edhe gjakun e Dëshmorëve të Kombit”, thuhet në reagim.

Tujte, Shoqata ka kritikuar Qeverinë për mosreagimin e saj lidhur me këtë ngjarje.

“Në një shtet si Kosova, sa duket edhe mund të ndodhin bastisje të këtilla, kurdo që i teket dhe kurdo që i bie ndërmend një Gjykatë të këtillë, që i thonë e Kosovës, por që selinë e ka në Hagë dhe ku asnjë shenjë të Kosovës si shtet nuk e ka në strukturën e punës së saj. Kurse qeveritarët tanë, që nuk pushojnë duke marrë nëpër gojë të gjitha nivelet e drejtësie në Kosovë, deri edhe Gjykatën Kushtetuese, nuk e thonë një fjalë, qoftë si propagandë për veshët e popullit, që është mësuar me logjikën e nëpërkëmbjes së vlerave të Luftës së ushtrisë Çlirimtare të Kosovës”, ka theksuar Shoqata në reagimin e saj.

Kujtojmë që mëngjesin e sotëm, EULEX-i ka realizuar bastisje në banesën e familjarëve të dëshmorëve Bahri e Fahri Fazliu në Prishtinë.

LAJMI I FUNDIT/ EULEX-i bastisë banesën e familjes së dëshmorëve Fahri dhe Bahri Fazliu

Familjarët kanë thënë se banesa ka shërbyer si bazë e UÇK-së deri në përfundim të luftës./Arbresh.info

Bastisja në banesën e familjes së dëshmorëve Fahri dhe Bahri Fazliu, flet familjari i tyre: Nuk kemi informacion se çfarë po ndodh