Kryeministri Edi Rama dhe zëvendës Kryeministri i Maqedonisë së Veriut, Nikola Dimotrov, kanë mbërritur që mbrëmjen e djeshme në Beograd, ku kanë pasur një darkë informale me Presidentin e Serbisë, Aleksandër Vuçiç.

Ndërkohë sot tre liderët kanë një axhendë zyrtare, ku do të takohen me biznesmen dhe zyrtarë të lartë për të diskutuar për nismën “Ballkani i Hapur”.

Mësohet se në orën 10:30, Vuçiç do të ketë një takim me Ramën dhe Dimitrov e më pas do të dalin në një konferencë të përbashkët për mediat.

Axhenda e takimit

08.55 Mbërritja dhe foto e përbashkët e zyrtarëve

09.00-10.00 Takimi i zyrtarëve me biznesmenë

10.00-10.30 Takimi i zyrtarëve me përfaqësues të Këshillit Atlantik

10.30-11.30 Takimi i Presidentit Aleksandar Vuçiç me Kryeministrin Edi Rama dhe zëvendëskryeministrin Nikolla Dimitrov

11.30-12.30 Konferencë e përbashkët për shtyp e tre zyrtarëve./tvklan.al/