Deputeti i LVV-së, Mefail Bajqinovci po qëndron për vizitë në Suedi, ku është takuar me mërgatën në qytetin e Linkoping.

Gjatë këtij takimi, Bajqinovci tha se mërgata u zotua për mbështetje edhe më të fuqishme për kryeministrin, Albin Kurti, përcjell Arbresh.info.

“Në ditën e dytë gjatë takimeve me mërgatën në Suedi, vizituam qytetin e Linkoping të Suedisë, aty u pritëm nga bashkatdhetarë pavarësisht largësisë, Kosovën e kanë në zemër. Bisedat tona ishin të mbushura me ide dhe shpresë për të ardhmen e përbashkët, duke na kujtuar se forca e Kosovës vjen nga uniteti ynë”, shkroi Bajqinovci në llogarinë e tij në Facebook.

“Faleminderit për mbështetjen e vazhdueshme për Lëvizjen Vetëvendoje dhe për frymëzimin që i jepni çdo përpjekjeje për një të ardhme më të mirë. Së bashku, ndërtojmë një Kosovë të fortë dhe të drejtë! Mërgata u zotua për mbështetje edhe më të fuqishme për Kryeministrin Kurti”, tha tutje deputeti i Lëvizjes Vetëvendosje./Arbresh.info