Bahtiri kërkon nga MPB-ja të bëjë funksionale Qendrën për Pajisje me Dokumente

14:51 | 13 Korrik 2020
A Z

Nga dita e sotme, Ministria e Punëve të Brendshme ka mbyllur Qendrën për Pajisje me Dokumente në Komunën e Mitrovicës, për shkak se një zyrtar ka rezultuar pozitiv me koronavirus.

Pas këtij njoftimi nga ana e MPB-së, kryetari i Mitrovicës, Agim Bahtiri, ka kërkuar nga ministria në fjalë që të angazhon staf shtesë në mënyrë që kjo qendër të hapet, pasi që është shumë e nevojshme që qytetarët tanë të marrin shërbimet që u duhen për dokumente të identifikimit si dhe vule apostile/verifikuese.

Qendra për Pajisje me Dokumente në Komunën e Mitrovicës që nga java e kaluar ka dhënë shërbime edhe për vula apostile/ verifikuese, jo vetëm për qytetarët mitrovicas, por edhe për qytetarët e rajonit, prandaj theksohet se është më se e rëndësishme që kjo qendër të bëhet urgjentisht funksionale.