Për herë të parë që nga formimi i institucioneve të Republikës së Kosovës, qeveria e kaluar në krye me Albin Kurtin, përbëhej nga 15 ministri, pesë nga të cilat udhëhiqeshin nga gratë.

Ndërkohë, në krye të Kuvendit të Kosovës ishte zgjedhur një grua, Vjosa Osmani e cila zëvendëse të parë kishte po ashtu një grua, deputeten Arbërie Nagavci, shkruan arbresh.info.

Por, pak më ndryshe se ajo e Kurtit, qeveria e udhëhequr nga Avdullah Hoti, e cila u krijua të mërkurën me 61 vota, ka vetëm një grua më pak në kabinetin qeveritar.

Ministret gra, të qeverisë Kurti ishin Albulena Haxhiu, ministre e Drejtësisë, Rozeta Hajdari, ministre e Ekonomisë, Tregtisë dhe Financave, që të dyja nga Lëvizja Vetëvendosje. Ndërkaq, nga Lidhja Demokratike e Kosovës, Hykmete Bajrami është emëruar ministre e Arsimit dhe Vlora Dumoshi ministre e Kulturës, Rinisë dhe Sportit. Kurse, nga komunitetet jo serbe ishte një ministrja e Administrimit të Pushteti Lokal,  Emilia Rexhepi.

Në qeverinë Hoti ka vetëm katër gra të cilët janë: Albulena Balaj, zëvendëskryeministre, Hykmete Bajrami, Ministre e Financave, Vlora Dumoshi, Ministre e Kulturës dhe Meliza Haradinaj, Ministre e Politikës së Jashtme.

Kujtojmë se emërëimi i një numri më të madh të grave  në krye të ekzekutivit nga ana e ish-kryeministrit Kurti  kishte marrë reagime pozitive  Ambasada e Shteteve të Bashkuara dhe organizatat joqeveritare që merren me të drejtat e grave dhe fuqizimin e rolit të tyre në politikë dhe shoqëri./arbresh.info/