Arrestohen tre persona në Prishtinë për blerje dhe shitje të substancave narkotike

08:45 | 10 Tetor 2023
E.H

Tre persona janë arrestuar dje në Prishtinë pasi dyshohen për blerje, posedim, shitje dhe shpërndarje të paautorizuar të substancave narkotike, raporton Policia e Kosovës.

Sipas Policisë, gjatë kontrollit të banesës dhe veturës së të dyshuarve janë gjetur dhe konfiskuar 660 gramë substanca narkotike të llojit marihuanë.

Me vendim të prokurorit, të dyshuarit janë dërguar në mbajtje

“Prishtinë 09.10.2023 – 14:50. Janë arrestuar tre të dyshuar meshkuj kosovarë, pasi që gjatë kontrollit të tyre, veturës dhe banesës janë gjetur dhe konfiskuar 660 gramë substancë narkotike e llojit marihuanë, një peshore dhe tre telefona mobil. Me vendim të prokurorit, të dyshuarit janë dërguar në mbajtje”, thuhet në raportin 24 orësh të Policisë së Kosovës./Arbresh.info