Gjashtë persona janë arrestuar pasi që janë rrahur mes vete pas një mosmarrëveshje në Pejë, raporton Policia e Kosovës.

Sipas Policisë, katër nga të dyshuarit kanë pësuar lëndime trupore dhe kanë pranuar tretman mjekësor, shkruan Arbresh.info.

Gjatë kontrollit në shtëpinë e njërit nga të dyshuarit është gjetur dhe konfiskuar një pushkë me 27 copë fishek.

“Pejë 31.12.2023 – 12:30. Pas një mosmarrëveshje janë rrahur mes veti gjashtë të dyshuar meshkuj kosovarë, katër prej tyre kanë pësuar lëndime trupore dhe kanë pranuar tretman mjekësor. Gjatë kontrollit në shtëpinë e njërit prej tyre është gjetur dhe konfiskuar një pushkë me 27 copë fishekë. Gjashtë të dyshuarit janë arrestuar dhe pas intervistimit me vendim të prokurorit janë ndërguar në mbajtje”, thuhet në raportin 24 orësh të Policisë së Kosovës./Arbresh.info