Policia e Kosovës ka arrestuar dy persona të kërkuar me urdhëresa të gjykatës, në dy lokacione të ndryshme.

Sipas njoftimit, nga zyrtarët e e stacionit Qendra në Prishtinë është arrestuar i dyshuari  me iniciale A.E i cili kërkohej me urdhëresë të Gjykatës Themelore në Prishtinë për vepën penale “ Blerje, posedim i paautorizuar i narkotikëve.”, i dënuar me dy vite burg shkruan Arbresh.info.

“Nga zyrtarët e stacionit Qendra, në një aksion është arrestuar një person i cili kërkohej me urdhëresë të Gjykatës Themelore në Prishtinë.

-A, E, mashkull, 42 vjeç, shtetas i Republikës së Kosovës, i dënuar me burgim, (2vite) për veprën Blerje, posedim i paautorizuar i narkotikëve.”, thuhet në njoftimin e Policisë.

Ndërkaq, sipas Policisë, nga zyrtarët e stacionit policor të Drenasit është arrestuar 27 vjeçari, me iniciale V.K i cili kërkohej më urdhëresë të gjykatës për një rast armëmbajtje pa leje.

“Ndërsa nga zyrtarët e stacionit policor të Drenasit është arrestuar i dyshuari:

V.K, mashkull, 27 vjeç, i cili kërkohej me urdhëresë të gjykatës për një rast armëmbajtje pa leje.’, bën të ditur Policia.

Pas përfundimit të procedurave të nevojshme policore, personat e dyshuar janë dërguar për vuajtje të dënimit./Arbresh.info