Gjashtë persona janë arrestuar mbrëmjen e së shtunës në Gjakovë pasi dyshohen për organizim të skenave piramidale dhe bixhozit.

Policia e Kosovës përmes raportit 24 orësh ka bërë të ditur se të dyshuarit janë hasur në një lokal duke luajtur me lojëra të fatit, shkruan arbresh.info.

Si prova materiale janë sekuestruar tri aparate të lojërave të fatit, qipa për poker, letra, thika kamera dhe para të gatshme.

Me vendim të prokurorit, njëri nga të dyshuarit është ndaluar në mbajtje, ndërsa të tjerët janë liruar.

“Rr. Nënë Tereza, Gjakovë 08.02.2020 – 21:00. Janë arrestuar gjashtë të dyshuar meshkuj K-Shqiptarë, pasi që janë hasur në një lokal duke luajtur me lojëra të fatit. Si provë materiale janë sekuestruar tri aparata të lojërave të fatit, 618 copë qipa për poker, një palë letra, një thikë, dy kamera dhe 255 euro para të gatshme. Me vendim të prokurorit, njëri nga të dyshuarit është ndaluar në mbajtje, ndërsa të tjerët janë liruar”, thuhet në njoftimin e PK-së./arbresh.info/