Arbëreshët: Emocioni më i madh që marrim me vete është Prekazi

09:37 | 6 Maj 2019
M. A.

Grupi i Arbëreshëve të Italisë në ditën e fundit të tyre në Kosovë kanë vizituar presidentin e Kosovës Hashim Thaçi.

Kryetari i Arbëreshëve në Sicili, Rosirio Peta ka falënderuar Kosovën për mirëpritjen që iu është bërë duke veçuar vizitën që kanë pasur tek Varrezat e Jasharëve në Prekaz.

Ai ka thënë se emocioni më i madh që marrim me vete është Prekazi

“Emocioni më i fortë që kemi pas është vizita që kemi pas dje në Pregaz tek Varrezat e Jasharëve”.

“Ne emër të arbëreshëve ju falënderoj për mirëpritjen dhe ju presim me vizitë”.

Ambasadori i Italisë në Kosovë, Piero Cristoforo Sardi tha se ata janë të gatshëm për t’i ndihmuar Kosovës dhe plotësuar në perspektivat europiane.

“Falënderoj së pari ministrin e Diasporës Dardan Gashi i cili ka qenë iniciator i kësaj vizite. Është takimi i pare dhe shpresojmë që kjo të jetë një hap i parë për një rrugë të gjatë.

Ne kemi hapësirë ku mund të mbështetët Kosova dhe ne jemi të gatshëm për të ju ndihmuar dhe për të plotësuar perspektivën tuaj europiane “/Arbresh.info.