Gjykata e Apelit, saktësisht Departamenti Special pranë kësaj gjykate ka refuzuar si të pa bazuara ankesat në rastin e  të akuzuarve për keqpërdorim të detyrës zyrtare.

Kjo gjykatë përmes një njoftimi për media, ka bërë të ditur se aktvendimi i Gjykatës Themelore në Prishtinë, i datës 19.06.2019, mbetet në fuqi.

“Departamenti Special i Gjykatës se Apelit , i ka refuzuar si të pa bazuara ankesat e avokatëve mbrojtës për hudhje të aktakuzës dhe kundërshtim të provave, në rastin e të akuzuarve A. Ç., N. L., S. H., Sh. D.,  Ç. G., Sh. B., Rr. B., F. F., S. E. dhe  F. Sh.Të gjithë këta po akuzohen nga ana e Prokurorisë Speciale se në bashkëkryerje kanë kryer veprën penale” Keqpërdorimi i pozitës apo autoritetit zyrtar “ nga neni 422 par. 1 lidhur me nenin 31 të Kodit Penal të Republikës së Kosovës”, bëhet e ditur në këtë njoftim.

Gjykata e Apelit  arsyetoj edhe gjetjet e shkallës së parë.

“Apeli gjeti se gjykata e shkallës së parë, ka vlerësuar dhe në mënyrë të drejtë ka dhënë arsye të mjaftueshme, se kundërshtimet janë të pabazuara dhe se aktakuza e ngritur nga Prokuroria Speciale e Republikës së Kosovës, ka prova të mjaftueshme, të pranueshme në aspektin procedural , për të mbështetur dyshimin e bazuar mirë se të akuzuarit kanë kryer veprën penale për të cilën akuzohen, ndërsa tani nuk janë plotësuar kushtet ligjore për të cilat mund të hedhet aktakuza, ashtu siç kërkohet me dispozitat e nenit 250 par. 1 nën par. 1.1, 1.2, 1.3 dhe 1.4 të Kodit të Procedurës Penale”, bën të ditur zyra për media e kësaj gjykate. /Arbresh.info