Ambasadori britanik i fton sërish qytetarët për muhabet në facebook

11:27 | 4 Maj 2016
M. A.

Mundësinë që ofron facebook për komunikim, duket se më së miri po e shfrytëzon ambasadori i Britanisë së Madhe në Prishtinë, Ruari O’Connell. Ai në çdo muaj cakton një kohë për të bashkëbiseduar me qytetarët e Kosovës.

Veç tjerash ambasadori Ruari O’Connell , bashkëbisedimin me qytetar e bënë në gjuhën shqipe pasi që ai e flet rrjedhshëm këtë gjuhë.

Nesër prej orës 12.00 deri në orën 13.00 ambasadori britanik Ruairí O’Connell ka caktuar kohën për të bashkëbiseduar me qytetarët në rrjetin social Facebook. Njofton lajmi.net

Ai në një njoftim në facebook bënë thirrje qytetarëve që të mos ta humbin mundësin për të biseduar me të.

Ja njoftimi i plotë i ambasadorit britanik Ruairí O’Connell.

“Dëshironi të pyesni për lidhjet në mes të Mbretërisë së Bashkuar dhe Kosovës?

Pyesni Ambasadorin Britanik Ruairí O’Connell i cili do të mbajë bashkëbisedimin e radhës me pyetje dhe përgjigje në llogarinë e tij në Facebook https://m.facebook.com/ruairi.oconnell.71… më:

E enjte 05 Maj, 12:00-13:00

Ju lutem shpërndajeni dhe bëhuni pjesë e këtij bashkëbisedimi!”.