Ambasadori britanik: Familjet e personave të zhdukur në Kosovë kanë të drejtë të dinë për fatin e të dashurve të tyre

16:20 | 27 Prill 2025
E.H

Ambasador britanik në Kosovë, Jonathan Hargreaves ka thënë se familjet e personave të zhdukur gjatë luftës në Kosovë kanë të drejtë të dinë të vërtetën për fatin e të dashurve të tyre.

Në Ditën Kombëtare të Personave të Zhdukur me Forcë, Hargreaves me anë të një postimi në Facebook shkroi se është bashkuar me familjet dhe autoritetet e Kosovës për të nderuar ata që u zhdukën gjatë konfliktit.

“Anëtarët e familjeve të personave të zhdukur, nga të gjitha komunitetet e Kosovës, kanë të drejtë të dinë të vërtetën për fatin e të dashurve të tyre. Mbretëria e Bashkuar do të vazhdojë të mbështesë të gjitha qeveritë në Ballkanin Perëndimor në përpjekjet e tyre për të gjetur përgjigjet që familjet meritojnë”, shkroi ai./Arbresh.info