Ambasadori amerikan: Me kohë, armiqtë mund të kthehen në miq

20:27 | 26 Shkurt 2019
Arbresh Info

Ambasadori i Shteteve të Bashkuara të Amerikës në Kosovë, Phillip Kosnett, ka tërhequr një paralele mes raporteve Kosovë – Serbi dhe atyre Amerikë – Vietnam.

“Me kohë, armiqtë mund të kthehen në miq”, ka thënë diplomati amerikan, në një shkrim në llogarinë e tij, në Twitter, transmeton gazetametro.

Kosnett theksoi se “kjo mund të arrihet duke diskutuar në mënyrë të ndershme të kaluarën e keqe, duke u fokusuar në të mirat që sjell bashkëpunimi për të ardhmen”.

Ai ka shpërndarë një shkrim që thotë se raportet Amerikë-Vietnam kanë përparuar aq shumë që kur vendet kanë normalizuar marrëdhëniet diplomatike më 1995.

Ndërkohë, SHBA vazhdimisht i ka bërë thirrje Kosovës që të heqë taksë, në mënyrë që të vazhdohet dialogu dhe të arrihet një marrëveshje finale me Serbinë.