Policia e Kosovës ka pranuar sot donacion nga Ambasada Gjermane, ku përfshihen dylbi dhe pajisje të tjera që kanë vlerë rreth 240 mijë eurove.

Në këtë ceremoni i pranishëm ka qenë edhe ambasadori i Gjermanisë në Kosovës, Jorn Rohde dhe Drejtori i Përgjithshëm i Policisë së Kosovës, Samedin Mehmeti, raporton arbresh.info.

Drejtori i Përgjithshëm i Policisë së Kosovës, Samedin Mehmeti, bëri të ditur se ky nuk është donacioni i parë që policia ka pranuar nga Gjermania.

“Nuk është donacioni i parë që shteti gjerman i ka bërë për e Policinë e Kosovës, por veçanërisht për pikat kufitare. Siguria e kufijve të Kosovës është në përgjegjësi”, tha Mehemti.

Ai tha se gjitha donacionet që kanë ardhur nga shteti gjerman kanë qenë të pranueshme.

“Ky donacion e të gjitha ndihmat që kanë ardhur nga Gjermania kanë qenë të pranueshme”, u shpreh Mehmeti.

Në anën tjetër, ambasadori i Gjermanisë në Kosovës, Jorn Rohide, nuk harroi ta urojë drejtorin për pozitën që ka marrë një ditë më parë.

“E uroj për detyrën e re Mehemtin, jam shumë i lumtur që jam prapë këtu. Pajisjet që kemi sjell janë dylbi, e pajisje të tjera por që vlera e tyre është 240 mijë euro”, tha Rohide, shkruan arbresh.info.

Ky donacion është bashkëpunim i shumë viteve në mes të Kosovës dhe Gjermanisë. Këto pajisje që janë dhënë për donacion shpresoj që do të përdoren e sidomos në këtë kohë të pandemisë”, u shpreh Rohide.

Ndryshe, si shenjë falënderimi, drejtori i policisë, Samedin Mehmeti ndau mirënjohje për punën bashkëpunuese zyrtares policore në Policinë Federale të Gjermanisë, Andrea Geschke.

Mehmeti, dje është zgjedhur drejtori i përgjithshëm i Policisë së Kosovës./arbresh.info/