Zyra e Bashkimit Evropian në Kosovë, ka kërkuar konstituimin sa më të shpejtë të Parlamentit të Kosovës dhe krijimin sa më të shpejtë të qeverisë.

“Seanca konstituive e Kuvendit është caktuar të mbahet me 26 dhjetor. Zgjedhjet e Përgjithshme të 6 tetorit i dhanë mundësinë popullit të Kosovës të ushtrojë të drejtën demokratike për të votuar dhe zgjedhur udhëheqësit. Ky është thelbi i procesit demokratik”, thuhet në një njoftim për media.

Lidhur me këtë ka reaguar edhe Ambasada e Amerikës në Prishtinë.

https://www.facebook.com/kosovo.usembassy/posts/3958721147487344

Duke e mbështetur këtë qëndrim të zyrës së BE-së, në njoftim thuhet se njerëzit e Kosovës janë të padurueshëm për një Qeveri që do të sjellë ndryshime pozitive.

“Ne pajtohemi me BE-në: njerëzit e #Kosovës janë të padurueshëm për një Qeveri që do të sjellë ndryshime pozitive”, thuhet në njoftim.

Nga këto dy njoftime dhe takimet e shumta me ndërkombëtarët vërehet se është shtuar presioni ndaj LVV dhe LDK për formimin e institucioneve.