Kryeministri në detyrë Albin Kurti, së bashku me Nenad Rashiq, këshilltar politik i Kryeministrit në detyrë dhe njëkohësisht udhëheqës i Zyrës për Çështje të Komuniteteve, kanë mbajtur një konferencë për media.

Në këtë konferencë, kryeministri në detyrë, Albin Kurti, tha se Nenad Rashiq është një politikan i pazakontë në Kosovë ku ka dhënë kontribout për qytetarët e Kosovës e të Serbisë.

“Gjithmonë e kam çmuar dhe vazhdoj ta çmoj për korrektësine e tij vendosmërinë e tij, për qartësine e tij, sepse ka dhënë kontribout për qytetarët e Kosovës dhe të Serbisë”, ka thënë Kurti.

Kurti gjithashtu ka thënë se beson në pafajësinë e ish-këshilltarit të tij.

“Ende pa i bërë dy javë u ngrit aktakuzë për të nga Gjykata Themelore, e unë besoj në pafajësinë e tij. Ne si zakonisht në këto aktakuza të shtetit të Kosovës duhet t’i shohim emrat që mungojnë e jo këta emra, dhe unë sot kam pranuar dorëheqjen e Këshilltarit tim politik, po ashtu ai ka dorëzuar edhe programin për zbatimin e ligjit për komunitete”, ka thënë Kurti.

Ndërkaq, Këshilltar Politik i Kryeministrit në detyrë Nenad Rašić, tha se është i pafajshëm./arbresh.info/