Duket se kryetari i Prishtinës Shpend Ahmeti nuk do të arrijë t’i pajtojë dy grupet e ndara tashmë në Lëvizjen Vetëvendosje, shkruan portali arbresh.info

Në homazhet e bëra sot para pllakës përkujtimore për aktivistët e vrarë në protestën e 10 shkurtit 2017 është vërejtur çarja në Vetëvendosje.

Kjo pasi që kryetari i kësaj partie Albin Kurti ka injoruar Shpend Ahmetin, duke e lënë në turmën e mbledhur në distancë.

Në të vetmin rast kur ata shkëmbyen dy-tri fjalë ishte gjatë kohës së vendosjes së kurorës me lule.

Të pranishëm në këto homazhe nuk ishin pjesa e pakënaqur e VV-së, Dardan Molliqaj, Aida Dërguti, Fisnik Ismaili, Donika Kadaj-Bujupi.

Është përfolur kohëve të fundit se krahu Molliqaj do të formojnë një parti më vete, por deri tani nuk ka asgjë zyrtare./Arbresh.info/