Kryetari i tanishëm i Istogut, Haki Rugova, është akuzuar nga kundërkandidatët e tij për gjendjen e shëndetësisë në Istog.

Agron Avdiaj nga Lëvizja Vetëvendosje ka thënë se në qendrat e mjekësisë mungojnë listat esenciale të barnave.

Ai ka thënë se në qeverisjen e tyre qendrat e mjekësisë do të punojnë më orar të plotë.

“Poashtu do të instalohet një mbikëqyrje më e rreptë higjienës”.

Edhe Beqir Sadikaj nga Partia Demokratike e Kosovës, ka thënë se duhet të punohet me dy ndërrime, pasi sipas tij qendrat mbyllen edhe para se të përfundojë orari i punës.

Arif Elshani nga Iniciativa e Pavarur e Istogut, ka thënë se niveli i shëndetësisë në Istog ka degraduar në kohën e Haki Rugovës.

“Duhet të ngritët niveli i vetëdijes së mjekëve”.

Gani Dreshaj, nga Aleanca për Ardhmërinë e Kosovës, ka thënë se në qendrat e mjekësisë familjare ka infrastrukturë, por duhet të punohet më shumë në vetëdijesimin e mjekëve.

Kështu kanë thënë kandidatët në Magazine Lokale në Klan Kosova.

Ndërsa Haki Rugova i LDK-së ka thënë se shëndetësia në udhëheqjen e tij ka qenë më e mira në vend.