Dhjetë persona janë arrestuar në aksionin e Policisë së Kosovës dhe Prokurorisë Themelore në Ferizaj mëngjesin e sotëm.

Aksioni është zhvilluar në komunën e Shtërpcës, shkruan arbresh.info

“Prokuroria Themelore në Ferizaj, ju njofton se me urdhër të saj dhe në koordinim të plotë me Policinë e Kosovës -Drejtorinë e Krimeve të Rënda në Prishtinë janë duke e zhvilluar një aksion në komunën e Shtërpcës”, njofton prokuroria, shkruan arbresh.info.

Po ashtu, Prokuroria Themelore në Ferizaj bënë të ditur se në mesin e të arrestuarve është edhe ish- kryetari Shtërpcës.

“Lidhur me këtë aksion deri më tani me urdhër të Prokurorit të Shtetit, janë arrestuar dhjetë (10) persona të dyshuar, në mesin e tyre edhe ish kryetari i komunës së Shtërpcës, drejtori i Urbanizmit, disa zyrtar të tjerë dhe pronar të firmave, për shkak të dyshimit të veprave penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar” të Kodit Penal të Republikës së Kosovës (KPRK)”, njofton prokuroria.

Për të gjitha zhvillimet tjera lidhur me këtë aksion do të njoftoheni me kohë nga ana e Prokurorisë. /arbresh.info/