Policia e Kosovës gjatë ditës së djeshme është njoftuar për një aksident në fshatin Banjë- Istog.

Sipas policisë, në vendin e ngjarjes është gjetur një armë zjarri (Pistolet),  dy gëzhoja, një palë pranga metalike dhe një cigare me substancë të dyshuar narkotike-marihuan, shkruan Arbresh.info.

“Më datë 01 nëntor 2023, rreth orës 23:52, Policia ёshtё njoftuar për një aksident në fshatin Banjë- Istog.Policia menjёherё i ёshtё pёrgjigjur rastit dhe gjatë shikimit të vendit të ngjarjes tek i dyshuari është gjetur një armë zjarri (Pistolet),  dy gëzhoja, një palë pranga metalike dhe një cigare me substancë të dyshuar narkotike-marihuan.”, thuhet në njoftimin e Policisë.

Policia ka arrestuar tё dyshuarin si dhe ka shoqëruar njërin nga dëshmitarët në Stacionin Policor.

Tutje bëhet e ditur se i dyshuari meqenëse ishte nën ndikim të alkoolit  nuk është intervistuar.

Me urdhër të Prokurorit të shtetit të dyshuarit i  është caktuar masa e ndalimit policor për 48 orësh,  ndërsa dëshmitari gjatë intervisitim ka deklaruar se i dyshuari gjatë rrugës Pejë – Banjë, kishte shtënë me armë.

Sipas policisë, rasti është duke u hetuar./Arbresh.info/