Komuna e Prishtinës ka njoftuar se pas aksidentit të sotëm në Veternik janë krijuar kolona të gjata.

Përmes një shkrimi në Facebook u bë e ditur se rruga do të hapet brenda 30 minutave, pasi ekipet përkatëse dhe policia janë në terren dhe po punojnë intensivisht për lirimin e rrugës.

“Ju njoftojmë se kolonat e krijuara sot në disa pjesë të kryeqytetit janë rezultat i një aksidenti në Veternik, ku një kamion është përplasur me 11 vetura.

Ekipet përkatëse, në krye me policinë e vendit, janë në terren dhe po punojnë intensivisht për të liruar rrugën sa më shpejt që të jetë e mundur. Ekipet nga terreni njoftojnë që rruga do të hapet brenda 30 minutave.

Ju lutemi të keni durim dhe të shmangni këtë zonë për momentin, përdorni rrugë alternative, për të lehtësuar qarkullimin”, thuhet në njoftim.