Një aksident i rëndë trafiku ka ndodhur në Fushë Kosovë në orët e vona të mbrëmjes, më saktësisht në afërsi të qendrës për shitjen e materialeve ndërtimore “Baumarket”.

Pas përplasjes së dy veturave, të lënduarit, gjendja e të cilëve nuk dihet ende, janë dërguar në emergjencë me vetura që kanë qenë në afërsi.

Nga informacionet e para që ka siguruar KosovaPress, mësohet se të lënduarit janë dërguar me shpejtësi në Emergjencë, derisa as njësitet policore që kanë dalë në vendin e ngjarjes nuk kanë informacione rreth identiteteve të personave që janë përfshirë në aksident.

Në vendin e ngjarjes kanë dalë edhe veturat e ndihmës së shpejtë.

KosovaPress provoi të marrë informacione nga Policia lidhur me aksidentin, mirëpo për momentin kontakti ishte i pamundur.