Në orët e mbrëmjes ka ndodhur një aksident i rëndë në Autostradën Prishtinë – Shkup, gjegjësisht në fshatin Babush.

Pasojë e aksidentit që ka ndodhur mes tre veturave, kanë humbur jetën tre persona.

Lajmin e ka konfirmuar për arbresh.info Luljeta Mehmeti, zyrtare për informim nga Policia e Kosovës.

“Mund të konfirmojmë se sot rreth orës 19.00 ka ndodhur një aksident trafiku në mes të 3 veturave në Autostradën Prishtinë – Shkup, në afërsi të Babushit. Policia e Kosovës i është përgjigjur rastit menjëherë në koordinim me Prokurorin e Shtetit, Ekipet Mjekësore si dhe Kompanitë për Menaxhimin dhe Mirëmbajtjen e Autostradës. Si pasoj e aksidentit ekipet mjekësore kanë konstatuar vdekjen e tre (3) personave. Njësitë Policore dhe institucionet tjera janë ende në vendngjarje duke u marrë me rastin”./arbresh.info/